Энэ хуудсыг уншигч Таны амрыг эрж мэндчилье

         Шинэ зууны Монголчууд урьдынх шигээ дэлхийн боловсролоос гээгдэж эгэл мэдрэхүйд эс өртөх бүхнийг огт байхгүйд тооцсоор аж төрөхгүйн тулд манай хүрээлэн арав илүү жил ажиллаж өөрийн хүчээр цөөвтөр ном бүтээхийн зэрэгцээ дэлхийн олон оронд энэ сэдвээр хэвлэгдсэн номоос орчуулан гаргасаар өнөө нэгэнт Зуун ном хэвлүүллээ.

       Хүний мэдрэхүйд үл өртөх нь бидний мэдрэхээс хэчнээн дахин агуу энэ орчлонг танин мэдэх хүслэнд автан туурвил бүтээл хийж, аж төрсөөр ирсэн дээдсийнхээ эрдэмд бишрэн ном судрыг сонирхолж, манай ном, бүтээлийг уншигч Та бүхэнтэй хүсэл, сэтгэл нэгтэй шүү бид.

      Бидний зорилго бол эхний шатанд өөрийн оронд далд ухааны сэдвийг сонирхогч, ухаарагч олшроосой гэж ийм ажил хийж байна. Цаашид эгэл бус чадвар бүхүй Монголчуудын тухай хэрэглэгдэхүүн цуглуулах, судлах, сургалт, эрхлэхийг зорьж буй болно.

Энэ сэдвийг сонирхогч, эгэл бус чадвар эзэмшигч хамтран ажиллах аваас бид тааламжтайяа холбоо тогтоохыг хүснэ.

ХҮРЭЭЛЭНГИЙН ТЭРГҮҮН  Д. ТӨМӨРТОГОО